2018 senesi ilk qış (dekabr) ayında ”V.F. TANKER” sıñırlı mesüliyetli cemiyet Ukraina devlet sıñır hızmetiniñ regional idaresine ve Herson deñiz limanınıñ Kapitanına qarşı davanı açıp, olarnıñ areketlerini qanunsız tanımağa, qararlarını lâğu etmege talap etken edi. 2019 senesi saban (mart) ayı 12 künü Odesa şeeriniñ Beşinci apellâtsion mahkemesinde işbu 2140/1776/18 sanlı dava boyunca Herson vilâyetiniñ memuriy mahkemesi çıqarğan qararğa “Volga naqliyat şirketi” aktsioner cemiyetiniñ şikâyeti baqıldı.

Ukraina Prezidentiniñ Qırım Muhtar Cumhuriyetindeki Temsilciligi mustaqil talapları olmağan üçünci şahıs olaraq cevap berici tarafında davada iştirak etmege davet etildi.

Beşinci apellâtsion mahkemesiniñ qararına binaen, apellâtsion şikâyetniñ yerine ketirilmesi red etildi, Herson vilâyetiniñ memuriy mahkemesiniñ qararı deñiştirilmey qaldı.

Devlet idarelerniñ vekillerine açıq-aydın uquqiy mevamları ve devlet menfaatlarını qorçalağan areketleri içün öz minnetdarlığımıznı bildiremiz.