Al-azırda Ukraina Prezidentiniñ Qırım Muhtar Cumhuriyetindeki Temsilciligi bu ceetlerni inkişaf ettirecek leyhalar üzerinde faal şekilde çalışmaqtadır. Yani olar:
‘Rusiye istilâsı virtual muzeyi” internet-portalını daimiy şekilde yañartuv ve malümatlarnen tolduruv.
Vaqtınca işğal etilgen topraqlarda yaşağan gençler içün tasil leyhalarını inkişaf ettirüv ve vatandaşlarımıznen bağ tutuv.
Qırımtatar medeniyetini rağbetleştirüv.
Bu aqta Ukrainadaki AB Temsilciliginiñ başlıq muavini Remi Düflo, Ukrainadaki AB Temsilciliginiñ leyhalar yöneticisi Arturo Rodriges Tonelli, USAİD müdiri vazifesini vaqtınca becergen Mark Haylend ve Dijital deñişüvler Nazirligindeki Avropa integratsiyası Direktoratınıñ Baş müdiri Gulsana Mamediyeva ile qonuşıldı.
Meslekdeşlerimizge işbu körüşüv ve kelecekteki leyhalarnı amelge keçirüv boyunca ğayelernen almaşuv içün minnetdarlığımıznı bildiremiz.