2019 senesi arman (avgust) ayı 19 künü Ukraina Prezidentiniñ Qırım MC Daimiy Temsilcisi Anton Korınevıç Qırım MC prokuror muavini İgor Ponoçovnıy ve insan aqlari boyunca Ukraina-Helsinki birliginiñ adliyecisi Darya Svırıdova ile beraberlikte BISN (Bring International Standards Home) tasil leyhasında iştirak etken aqrusiyeli ve lehistanlı aq qorçalaycıları, cemaat faalcileri ve jurnalistler ile Kıyiv şeerinde iş körüşüvini keçirdiler.

Anton Korınevıç çetelden kelgen musafirlerni Qırımnıñ vaqtınca işğal olunması şaraitlerinde Temsilcilikniñ ilk nevbetteki vazifelerinen, onıñ qanun yaratuv ve uquq qorçalav saasındaki faaliyetinen tanıştırdı, em de işbu akimiyet organınıñ yarımada sakinleriniñ halqara insaniy aqlarınıñ qorçalanması oğrunda cemaat teşkilâtlarınen ve uquq qorçalav organlarınen işbirligine dair müsbet tecribenen paylaştı.