2018 senesi boş ay (noyabr) 19 künü Temsilcilikteki halqara alâqalar hızmetiniñ reisi Yevgen Samuha ve baş mesleatçısı Valeriya Pahomova iqtisadiy tedqiqatlar ve siyasiy mesleatlar İnstitutı (ITI) teşkil etken ‘‘Avropa meyilli Ukrainanıñ teraqqiyatı ve istiqbali’’ mevzusında konferentsiyada iştirak ettiler.

Konferentsiyada Ukrainada Avropa Birligi Temsilciliginiñ reisi Hüg Mingarelli, Ukrainada İsveçiya Qırallığınıñ Fevqulâde ve Vekâletli Elçisi Martin Hagström, ‘‘Yañıdan yaratıv’’ (‘‘Renaissance’’) halqara fondunıñ icra müdiri Oleksandr Suşko, Belçikadaki CEPS merkeziniñ üyken tedqiqatçısı, Avropa Komissiyası Prezidentiniñ sabıq mesleatçısı ve Avropa Birliginiñ Moskovada (1991-1995) sabıq Elçisi Maykl Emerson, İTİ ilmiy faaliyet boyunca müdüri Veronika Movçan, Ukraina Prezidenti Memuriyetiniñ Reis muavini Kostântin Yeliseyev, avropa ve avropaatlantik integratsiya meseleleri boyunca Ükümet ofisiniñ Müdiri Olga Stefanişına, Ukraina çetel işler Nazirliginiñ mesleatçısı, ‘‘Yañıdan yaratıv’’ halqara fondunıñ mesleatçısı Taras Kaçka, ekspertler, cemaat teşkilâtlarınıñ ve matbuat vastalarınıñ vekilleri iştirak etti.

Tedbir esnasında assotsiatsiya aqqında Añlaşmanı yerine ketirüvniñ şimdiki neticeleri, muvafaqiyetleri ve çağıruvları, regional seviyede Añlaşmanı yerine ketirüv boyunca vaziyet, bu cümleden, cemaatnıñ bu ceryanda iştiragi, Ukraina ile Avropa Birliginiñ işbirlik şekili kelecekte nasıl ola bilecegi muzakere etidi.

Ekspertler ticaret, iqtisadiyat, elektrik küç, içtimaiy standartlar, siyasiy dialog kibi Ukrainanıñ Avropağa integratsiyası yolunda inkişaf yönelişlerini taqdim ettiler. Bundan da ğayrı, tedbir esnasında Maykl Emerson (CEPS) ve Veronika Movçan (İTİ) yolbaşçılığında ukrain-belçikalı tedqiqatçılar taqımı azırlağan ‘‘Ukraina ile Avropa Birligi arasında munasebetlerni terenleştirüv: Ne, ne içün ve nasıl?’’ (ekinci neşir) ve ‘‘Şarqiy Avropada mustaqil idare etüv içün küreş’’ mevzusında eki kitap taqdim etildi.