Yarın, qara qış ayınıñ 20-de, Avropa Şurası Parlament Assambleyası delegatları, Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç ve aq qorçalayıcılarnıñ iştiragi ile “Avropa Şurası Parlament Assambleyasınıñ qıştaki oturışuvı arfesinde vaqtınca işğal etilgen Qırımda insan aqları saasında vaziyet” mevzusında onlayn tögerek masa keçirilecektir.

Tögerek masada çıqışta bulunacaq qonuşmacılar:

• Mariya Mezentseva, Ukraina halq deputatı, Ukrainanıñ AŞPA-daki Daimiy eyetiniñ başlığı;
  
• Olga Skrıpnık, Qırım uquq qorçalav gruppasınıñ başlığı;
  
• Anton Korınevıç, Ukraina Prezidentiniñ Qırım Muhtar Cumhuriyetindeki Daimiy Temsilcisi;
  
• Rustem Umerov, Ukraina halq deputatı, Ukrainanıñ AŞPA-daki Daimiy eyetiniñ başlıq muavini;
  
• Yevgeniya Kravçuk, Ukraina halq deputatı, Ukrainanıñ AŞPA-daki Daimiy eyetiniñ azası;
  
• Lilya Gemeci, qırımlı abulqat, aq qorçalayıcı;
  
• Egidius Vareikis, (Litvaniya), Litvaniya Cumhuriyeti Seym deputatı, AŞPA delegatı;
  
• Ahmet Yıldız, Türkiye Cumhuriyetiniñ AŞPA-daki Daimiy eyetiniñ başlığı;
  
• Riya Omen-Reyten, senator, AŞPA delegatı (Felâmenk devleti).

Moderator: Roman Gromik, ZMİNA. İnsan aqları merkeziniñ halqara abulqatlıq boyunca yöneticisi.