2018 senesi (mart) 12 künü Ukraina Prezidentiniñ Qırım MC Temsilciliginde Azaq-Sivaş milliy tabiat parkınıñ terkibine kirip, vaqtınca işğal etilgen topraqlarnıñ sıñırında yerleşken Sivaş körfezinde canlı suv resurslarnıñ istisal etilmesi boyunca muşavere keçirildi. Muşaverede iştirak etken rayon devlet memuriyetiniñ temsilcileri mütenasip tabiat, havsızlıq ve qaparcılıq telükeleri aqqında haber ettiler.Daimiy Temsilci bu meseleler boyunca bir sıra organlarnıñ, bu cümleden, Herson vilâyetiniñ devlet memuriyeti seviyesinde keçirilgen tedbirleri ve işbu meseleler boyunca soñki makeme qararları aqqında haber etti.

Daimiy Temsilci yerli akimiyetni ve öz-özüni idare etüv organlarını vaqtınca işğal etilgen topraqlarınıñ sıñırında yerleşken Herson vilâyetiniñ rayonlarına al-azırda köçeyatqan Ukraina Milliy politsiyası Qırım MC ve Aqyar şeerindeki baş idaresiniñ faaliyetine yardım köstermege çağırdı. Muşavere iştirakçileri Merkeziy Sivaşnıñ akvatoriyasında uquqiy nizamnı temin etmek maqsadınen acele areketler planını muzakere ettiler.