2018 senesi ekim (oktâbr) ayı 3 künü Ukraina Prezidentiniñ Qırım MC Daimiy Temsilcisi Borıs Babin Ukrain buhran media merkezinde olıp keçken ‘‘PRO et CONTRA: Azaq boyunca añlaşmanı toqtatmaq kerekmi?’’ mevzusında matbuat brifinginde iştirak etti.

‘‘Yañı Avropa’’ Merkezi tarafından teşkil etilgen tedbirde Ukraina Fevqulâde ve Vekâletli Elçisi Oleksandr Motsık, adliye ilimleri doktorı, Ukraina Fevqulâde ve Vekâletli Elçisi Volodımır Vasılenko, adliye ilimleri namzeti, halqara munasebetler İnstitutında halqara uquq kafedrasınıñ dotsenti Anton Korınevıç iştirak ettiler.

Tedbirniñ iştirakçileri Azaq deñizinde ve hususan onıñ vaqtınca işğal etilgen Qırım ile sıñırındaki qısımında rusiye istilâsına qarşılıq kösterüvniñ havfsızlıq, teşkiliy ve adliy hususiyetlerini muzakere ettiler.