Rusiyeniñ ücümine” cevap olaraq dünyanıñ birligi ve Ukraina ile birdemligi Moskova içün üstüne tökülgen suvuq suv kibi oldı”, – çetel diplomatları ile körüşüvi esnasında dep bildirdi Ukraina Prezidenti.
”Bizge bu qıyın vaqıtta qol tutqanlarnıñ episine minnetdarım. İlk nevbette BMT Baş Assambleyasında insan aqları ve Qırımnen Qara ve Azaq deñizleriniñ arbiyleştirüv meselesi boyunca eki muyim rezölütsiyalarnıñ müellifdeşleri olğan ve olarğa qol tutqan devletlerge minnetdarlığımnı bildirem. Siziñ areketleriñiz Kreml öz tecavüzi içün yüksek fiyat töleycegini bir kere daa tasdıqladı”, – dep bildirdi diplomatlarğa Petro Poroşenko. O, künlerniñ birinde bu fiyat Kreml içün köterilmez olacağında eminlik bildirdi.
”Ve o zaman biz vaqtınca işğal etilgen Qırımnı ve Donbasnıñ işğal etilgen parçasını qaytarırmız. Bunıñ kerçekligini Ukraina tarihiy adaletniñ tiklenüvine, yani mustaqil ortodoks kilisesiniñ teşkil etilüvine taba adımlağanı tasdıqlay. Bizni Tomosqa alıp kelgen yol devamlı, qıyın ve meşaqatlı edi. Amma biz bu sınavdan menliknen keçtik”, – dep qayd etti Prezident ve Ukrainanı can-yürekten bu muim tarihiy adise ile hayırlağan çetel diplomatlarğa öz minnetdarlığını bildirdi. ”Bu ekinci kere Ukraina mustaqilligini, bizim ruhiy mustaqilligimizni ilân etüvdir”, – dep qoştı o.
Prezident Rusiye istilâsını zayıflatmağa yardım etken Normand formatındaki sıqı işbirlikniñ muimligini qayd etti.
”Keçken sene Rusiye istilâcı sanktsiyalardan qurtulmaq imkânından marum qaldı, olar ise, Kremlniñ maqtavlarına baqmadan, onıñ maddesini ve isteklerini tınçlandıra. Olar Rusiye tecavüzini zayıflatmaqnen beraber Ukrainağa em siyasiy, em iqtisadiy, em de arbiy ceetten quvetlenmek içün pek qıymetli vaqıt müddetini berdi”, – dep qayd etti Prezident.
Buña Ukrainanıñ Normand formatında işançlı ortaqları, yani Berlin ve Parij ile sıqı işbirligimiz de hızmet etti”, – dep qoştı devletimizniñ Başlığı ve Almaniya Kantsleri Angela Merkelge ayrıca minnetdarlıq sözlerini bildirdi. ”Em Ukraina, em bütün Avropa içün havflı imkâniyetlerinden qaçınmaq içün o yapqan areketlerniñ qıymeti misilsizdir”, – dep qoştı Petro Poroşenko.
https://www.president.gov.ua/news/yednist-i-solidarnist-svitu-z-ukrayinoyu-u-vidpovid-na-azovs-52542