2018 senesi arman ayı (august) 21 künü Ukraina Prezidentiniñ Qırım MC Daimiy Temsilcisi Borıs Babin Geniçesk rayonınıñ Çoqraq (Strilkove) köyünde teşkil etilgen ‘‘Azatlıq lageri’’ Halqara serbest yazlıq lagerini ziyaret etti, bu lagerde Temsilcilikniñ hadimleri de iştirak etmekte.

Ukrainadan ve bir sıra çetel memleketlerden cemaatnı birleştirgen ‘‘Azatlıq lageri’’ Qırımtatar resurs merkeziniñ teşebbüsi ve Estoniya ile Almaniyanıñ qol tutuvı ile teşkil etildi.

Lagerdeki tedbirler çerçivesinde Daimiy Temsilci ‘‘Qırımnıñ işğali ve zemaneviy halqara tertip’’ mevzusında maruza ile çıqışta bulundı. Çıqışı esnasında Temsilcilikniñ faaliyeti meselesi aydınlatıldı, Qırımda halqara uquqiy tertipni bozğan istilâcı devletke semereli qarşılıq kösterüvniñ teşkiliy, haberdar etüv ve siyasiy yolları muzakere etildi.