“Vatan küneşten güzel, altından qıymelidir”. Bu sözler qırımtatar ressamı Elzara Galimovanen birlikte yaratılğan 2026 senesi içün mahsus taqvimimizniñ şiarı oldılar. Taqvimniñ temelinde – müellifniñ “Qırım hayallarım“ adlı araştırmasına yer almaqta. Ressam üç yıl devamında, 1944 senesi sovet rejimi tarafından qırımtatar halqınıñ sürgün etilmesinden evel çıqarılğan Qırımnıñ arhiv fotoresimlerini ögrendi. Qara-beyaz fotoresimlerden alınğan mimarlıq ve manzaralar renkli akvarel resimlerinde canlana. Olarnıñ er biri içün Elzara çeşit menbalardan faydalanıp, abideniñ tarihı aqqında ikâyeler azırlay.

Resimlerde tasvirlengen binalardan çoqusı ŞSCB-niñ repressiya siyasetiniñ neticesinde yıqıldı ya da yoq etildi. Taqvim bizge canlı medeniyet ve hatıra olaraq Qırımnıñ suretlerini qaytara: camilerniñ sıcaq taşları, yeşil Qırım azbarları, yarımadanıñ teren seması. Er bir resimge abide aqqında aqiqiy qırımtatar mimarcılığınıñ qıymeti ve onı saqlap qaluv mesülieti aqqında hatırlatma olaraq qısqa malümat berile.

Taqvimde Ukrayina tarihı ve onıñ tamır halqları içün müim künler, añma künleri ile bayram künleri işaretlengen. Bu tek estetik bir leyha degil, bu maarif ve medeniy tirenüv aletidir: sanat aqiqatnı saqlamağa, tarihnıñ bozulmasına ve özgünlikni bastıruv siyasetine qarşı turmağa yardım ete.

İnanamız: soqaqlarımıznıñ hatırası, camilerimizniñ şekilleri, Qırım evleriniñ sıcağı yaşağance – Qırımnen bağımız üzülmez. 2026 senesi yarımadanıñ azat etilmesine ve adaletke işançımıznı pekitsin, “Qırım arzuları“ ise tezce — serbest ukrayin Qırımında aqiqatqa çevirilsin.

Календар настінний:

Календар настільний: