”Ekspertler ağı: Qırım platforması çerçivesinde halqara ve sektorlar arasındaki işbirlikke bir nazar”;

”Ekspertler ağındaki tematik faaliyetniñ hususiyetleri: ilk nevbetteki ve adetteki vazifeler”;

”Halqara informatsion müitinde Qırımnı işğalden azat etüv mevzusı”.

Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç ”Ekspertler ağı: Qırım platforması çerçivesinde halqara ve sektorlar arasındaki işbirlikke bir nazar” mevzusında birinci plenar sessiyada iştirak etti.

”Devlet akimiyet organları, grajdanlıq cemiyetinden ekspertler, deputatlar, halqara ekspertler ve halqara ortaqlarımız olaraq ğayretlerimizni birleştirsek, muayyen neticelerge irişirmiz, bunıñ içün biz faaliyetimizde grajdanlıq cemiyetiniñ ğayretlerine pek yüksek qıymet kesemiz. Qırımnı işğalden azat etüv ve ğayrıdan integrasiya etüv meselelerinde grajdanlıq cemiyeti pek müim röl oynamaqta, cemaat teşkilâtları bu rölni eñ başından, 2014 senesi oynamağa başladı ve bu faaliyetni bugünde-bugün de devam ettirmekteler. Misal olaraq, cemaat teşkilâtları uquq qorçalav organları ile beraberlikte Halqara ceza mahkemesi prokurorı ile bağ tutmaqta, onıñ içün mütenasip neticelerge irişe bilemiz. Qırımnı işğalden azat etüv ve ğayrıdan integrasiya etüv meselelerinde devlet akimiyetiniñ nezaret eticisi olaraq hızmet etken grajdanlıq cemiyeti pek müim röl oynamaqtadır. Qırımnıñ işğalden azat etilmesi içün biz bir tarafta olmalımız, çünki bunı beraber yapsaq, Qırımnı işğalden azat etüv ve ğayrıdan integrasiya etüvni yaqınlaştırırmız. Arman ayınıñ 23 – yalıñız bir başlanğıçtır, bizge Qırım platformasınıñ daimiy, devamlı şekilde çalışqan bir ceryan olaraq kerektir”, – dep qayd etti çıqışında Anton Korınevıç. 

Ekspertler ağınıñ vazifesi Qırım platformasınıñ vazifesinen bağlı – Qırım Muhtar Cumhuriyeti ve Aqyar şeeri topraqlarını, Qara ve Azaq deñizlerini Rusiye işğalinden azat etüv, işğalniñ menfiy tesiri aşuv oğrunda halqara qol tutuvnıñ birleştirilmesine hızmet etmek, mütenasip mevzu boyunca ekspert qararlarını çıqarmaq.

Forumda elçihanelerniñ hadimleri, milliy ve halqara ekspertler de iştirak etti.

Forum, ekspertler seviyesinde faaliyetini başlatqan Qırım platforması Ekspertleri ağınıñ birinci açıq tedbiridir. Forum esnasında faaliyetimizniñ strategiyası taqdim etildi ve ecnebiy zenaatdaşlarımıznen birinci iş qararları muzakere etildi.