Ziyaret etüv çerçivesinde Mitropolit, yazıqlar olsun ki, vaqtınca işğal etilgen Qırım Muhtar Cumhuriyeti ve Aqyar şeeri topraqlarında Rusiye Federatsiyasınıñ işğalci memuriyeti tarafından bozulğan din serbestligi aqlarını izçen tarzda qorçalağan Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıçqa Kıyiv ve Bütünukraina Mitropoliti Yepifaniyden alğan II derece Başmelek Mikail ordenini taqdim etti.

Ukraina Ortodoks Kilisesiniñ başlığı, Kıyiv ve Bütünukraina Mitropoliti Yepifaniyge ve Qırım ve Aqmescit Mitropoliti, Ukraina Ortodoks Kilisesi Qırım patrikhanesiniñ idarecisi Klımentke vaqtınca işğal etilgen topraqlarda din serbestligi aqlarını qorçalağan Daimiy Temsilcige yüksek qıymet keskenleri içün minnedarlığımıznı bildiremiz.

RF işğalci akimiyeti tarafından sıqıştırılğan vatandaşlarımıznıñ aqları içün küreşimizni devam etermiz, vaqtınca işğal etilgen Ukraina topraqlarında din serbestligi oğrunda qolumızdan kelgenini yaparmız.