Onınen https://rusaggression.gov.ua/ua/home.html bağlantısı boyunca tanış oluñız.

Taqdim etüvde Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç şunı qayd etken edi:

”Qırım platforması/Ukraina Prezidentiniñ Qırım MC Temsilciligi ortaqlarınen beraberlikte vaqtınca Qırım işğalini eñ yaqın vaqıtta toqtatılmasına hızmet etecek ve bu işğalniñ bütün aqibetlerini aşacaq leyhalarnıñ amelge keçirmeleri bizim içün müimdir”.

Portalnıñ vucutqa ketirilüvi uzun vaqıt devam etti. Al-azırda o, er kesniñ cenk aqqında aqiqatqa irişe bilecek ve hatıralarını qorçalay bilecek dünyada birincilerden ve yekâne olğan dijital vastadır.

Al-azırda menbada şaatlarnıñ delilleri, arhiv ve sözlü tarihiy malümatlar, matbuat vastalarınıñ haberleri, halqara teşkilâtlarnıñ qararnameleri ve beyannameleri mevcuttır. O, ayrı şeer ve köylerde adiselerniñ ketişatını ve Rusiye istilâsınıñ aqibetlerini taqip etmege imkân bere. Bundan ğayrı, virtual muzeyde Qırımdaki adiselernen bağlı fotosuretler bankı, vaqtınca işğalniñ başlanması aqqında ağzaviy ikâyeler arhivi bardır. Yaqın vaqıtta Donbastaki cenk aqqındaki ayrı bir bölük de malümatqa tolacaq.

Rusiye istilâsı virtual muzeyiniñ taqdim etilüvini YouTube-kanalında aşağıdaki bağlantı boyunca baqıp çıqmağa mümkün: https://youtu.be/fvnuo9-yjrA

Rusiye istilâsı virtual muzeyiniñ meydanğa ketirilüvine öz issesini qoşqan bütün ortaqlarımızğa minnetdarlığımıznı bildiremiz: Ukraina milliy hatıra institutı, Ukraina Prezidentiniñ Qırım Muhtar Cumhuriyetindeki Temsilciligi, Baş prokurorı ofisi, Qırım Muhtar Cumhuriyeti ve Aqyar şeeri prokuraturası, ”Renaissance” halqara fondu, ”Prometey” telükesiz müitni tedqiq etüv merkezi Prometheus Center.

#QırımUkrainadır #UkrainaPrezidentiniñQırımMCTemsilcilgi #QırımPlatforması #CrimeaPlatform #Ukraina #Ukraine #Qırım #Crime