Birinci körüşüvde Norvegiyanıñ Ukrainadaki Fevqulâde ve Vekâletli Elçisi Erik Svedal, İsveçiyanıñ Ukrainadaki Fevqulâde ve Vekâletli Elçisi Tobias Tiberg, Avstraliyanıñ Ukraina ve Moldovadaki Fevqulâde ve Vekâletli Elçisi Brüs Edvards ve Amerika Birleşken Devletleri, Büyük Britaniya, Kanada, Danimarka ve Almaniya elçihaneleriniñ vekâletli temsilcileri iştirak etti.
Tedbir esnasında Daimiy Temsilci Anton Korınevıç Qırım Platforması Ofisiniñ faaliyetini yüksek musafirlerge taqdim etip, onıñ Ukraina Prezidentiniñ Qırım Muhtar Cumhuriyetindeki Temsilciliginiñ terkibinde ayrı bir bölük olaraq çalışıp, Ukraina devlet akimiyet organlarını, ecnebiy devletlerni, halqara teşkilâtlarnı ve Qırımda yaşağan Ukraina vatandaşlarını birleştirüv ve aralarında bağ tutuv içün daimiy sürette hızmet etecek bir meydançıq olacağını bildirdi.
Bundan ğayrı Anton Korınevıç, Qırım platformasınıñ içki treki çerçivesinde Qırım Platforması Ofisi Kıyiv şeerinde «Qırım habı» vazifesini becerip, avuştırılğan çeşit türlü Qırım akimiyet organlarınıñ, Ekspertler ağı azalarınıñ ğayretlerini birleştirüv, beraberlikte vatandaşlarnı qabul etüv, yerli ve halqara ekspertlerniñ iştiragi ile Qırımnı işğalden azat etüv ve ğayrıdan integratsiya etüvge bağışlanğan tedbirlerni keçirüv içün hızmet etecegini qayd etti.
Qırım Platforması Ofisine, Qırım Muhtar Cumhuriyeti ile Aqyar şeerini işğalden azat etüv, Qırımnıñ vaqtınca işğal etilmesi neticesinde zarar körgen Ukraina vatandaşlarınıñ aq-uquqlarını ve serbestliklerini qorçalav meselelerine diqqat ayırğan ve Ukrainanıñ topraq bütünligine ve egemenligine deñişmegen alda qol tutqan itibarlı musafirlerimizge minnetdarlığımıznı bildiremiz.
Halqara oraqlarımıznı Qırım platforması Ofisiniñ faaliyeti ile tanıştırıp, Rusiye Federatsıyasını Ukraina vatandaşlarınıñ aq-uquqlarına ve serbestliklerine riayet ettirmek, vaqtınca işğal etilgen topraqlarnı azat etmek içün işğalci devletke siyasiy-diplomatik basqını arttırmaq kerek olğanını añlatmağa mıtlaqa devam etermiz.
Ukraina Prezidenti Ofisi Ukraina çetel işler Nazirligi / MFA of Ukraine U.S. Embassy Kyiv Ukraine Embassy of Ukraine in Canada / Ukranadaki Kanada Elçihanesi Embassy of Denmark in Ukraine Australian Embassy, Ukraine Embassy of Sweden in Kyiv Royal Norwegian Embassy in Kyiv British Embassy Kyiv Almaniyanıñ Kıyivdeki Elçihanesi / Deutsche Botschaft Kiew