Qanun leyhasına binaen, Şimaliy-Qırım kanalı idaresi ve Kahovka baş magistral kanalı şahsiyleştirmege tabiy olmay. Şahsiyleştirüvni ve işğal etilgen Qırım ile Ayqar topraqlarına suv berilmesini imkânsız yapmaq maqsadınen bu teklif Ukrainanıñ vaqtınca işğal etilgen topraqlarını ğayrıdan integratsiya etüv meseleleri boyunca Nazirlik tarafından yapıldı.

Ukraina Prezidentiniñ Qırım MC Temsilciligi Nazirler Şurasınıñ işbu teşebbüsine qol tuta ve qanun leyhası Ukraina Yuqarı Şurası tarafından eñ yaqın vaqıtta baqılacağına ümüt ete.

Fursattan faydalanıp, Ukraina Prezidentiniñ Qırım MC Temsilciligi öz mevamını açıq-aydın bildirgenini ve deñiştirmegenini hatırlatamız. Qırım yarımadası işğalden azat etilmegence, onıñ suv ile temin etilmesi imkânsızdır. Suv meselesi, işğalci devletke müim tesir ve basqı vastasıdır (https://nv.ua/…/vodu-v-krim-do-deokupaciyu-podavati-ne…)