Volodımır Zelenskıy Ukraina Nazirler Şurası ile beraber Bütünukrain Kiliseler Şurası ile beraberlikte Oraza bayramı, Qurban bayramı, Pesah, Roş-Gaşana, Hanuka, garbiy hristianlarnıñ Pasha bayramı ve diger bayramlarğa devlet statusını bergen qanun leyhasını azırlamağa ve işbu qanun leyhasını Ukraina Yuqarı Şurasına taqdim etmege avale etti.

”Ukraina Prezidentiniñ Qırım MC-deki Temsilciligi içün böyle Fermannıñ imzalanması em Ukrainadaki diniy çeşitlikke qol tutuv, em de büyük musulman Qurban bayramı ve Oraza bayramlarınıñ qayd etilmesine dair devletimizniñ eñ büyük musulman cemiyeti qırımtatarlardan, Qırımtatar Milliy Meclisinden ve Ukraina musulman diniy cemiyetlerinden Ukraina Prezidenti adına yapılğan muracaatlarğa cevaptır. Ukraina musulman cemiyeti ve şu cümleden al-azırda vaqtınca işğal etilgen Qırımda yaşağan musulmanlar devletten işbu teşebbüsni çoqtan berli beklep olura edi”, – dep izaatlay ”Ayrı diniy bayramlarnıñ statuslarını belgilev meselesini” Ukraina Prezidentiniñ Qırım MC-deki Daimiy Temsilcisiniñ muavini Tamila Taşeva.

Temsilcilik taqımı Ukraina Prezidenti Volodımır Zelenskıynıñ hayırlavlarına qoşula ve qırımtatar halqını, bütün Ukraina musulman cemiyetini mubarek Qurban bayramı ile hayırlay. Qurban bayramıñız mubarek olsun!

”Ayrı diniy bayramlarnıñ statuslarını belgilev meselesi” aqqında 303/2020 sanlı Ferman:  https://www.president.gov.ua/documents/3032020-34557