Til ve medeniy çeşitligini saqlap qaluv Ukrainanıñ milliy özgünligini ve medeniy mirasını saqlap qaluvda esas qısımlardan birisi. Çoq medeniyetli cemiyetimizniñ müim esaslarından biri qırımtatar tilidir. Ocalar ve filologlarnıñ bu tilni bilmesi, ukrain cemiyetiniñ ayırılmaz bir parçası olğan qırımtatar halqınıñ medeniy asabalığını saqlap qalmağa yardım ete, em de onı inkişaf ettire.

Постановою Кабінету Міністрів України від 07.06.2024 №670 «Про затвердження переліку мов національних меншин (спільнот) та корінних народів України, яким загрожує зникнення» визначено, що кримськотатарська мова є мовою корінних народів України, якій загрожує зникнення. Цей статус підкреслює важливість збереження та розвитку кримськотатарської мови як невід’ємної частини культурної спадщини нашої країни. Зусилля, спрямовані на підтримку та вивчення цієї мови, є надзвичайно важливими для збереження її для майбутніх поколінь.

Ukraina Nazirler Kabinetiniñ 2024 senesi iyün 7-de çıqarılğan “Ukrainanıñ ğayıp olmaq telükesi olğan milliy azlıqlar (cemaatları) ve tamır halqlarnıñ tilleri cedvelini tasdiqlamaq aqqında” № 670 Qararında qırımtatar tili ğayıp olmaq qorqusı astında olğan Ukraina tamır halqlarınıñ tili. Bu statusı vatanımıznıñ medeniy asabalığınıñ ayırılmaz bir qısımı olaraq qırımtatar tilini saqlap qalmaq ve inkişaf etmek müimligini qayd ete. Bu tilni kelecek nesiller içün saqlap qalmaq içün qoltutmaq ve ögrenmek içün yapılğan areketler soñ derece emiyetlidir.

Qırımtatar tilini öğretken aliy tasil yurtları:

Taras Şevçenko adına Kıyiv Milliy Universiteti:

• Bakalavr seviyesi 035 Filologiya ihtisası (“Qırımtatar tili ve edebiyatı, ingliz tili ve tercime” tasil programması).
• Magistr seviyesi 035 Filologiya ihtisası (“Qırımtatar tili ve edebiyatı, ingliz tili ve tercime” tasil programması).

Tafsilâtlı malümat: https://knu.ua/ 

V.I. Vernadskiy adına Tavriya Milliy Universiteti:

• Bakalavr seviyesi 014 Orta tasil ihtisası (“Qırımtatar tili ve edebiyatı, ingliz tili” tasil programması).
• Bakalavr seviyesi 035 Filologiya ihtisası (“Qırımtatar tili ve edebiyatı, ingliz tili ve tercime” tasil programması).
• Magistr seviyesi 035 Filologiya ihtisası (“Qırımtatar tili ve jurnalistika, ingliz tili ve tercime” tasil programması).

Tafsilâtlı malümat: https://tnu.edu.ua/ 

Bu ne içün müin?

1. Medeniy asabalıqnı saqlap qaluv: Qırımtatar tili ve edebiyatını ögretüv qırımtatar halqınıñ tilini ve medeniyetini kelecek nesiller içün saqlap qalmağa yardım ete.
2. Çoq medeniyetlilikke qoltutuv: Bu tilde laf etecek ocalar çeşit etnik gruppalar arasında medeniyetlerara dialog ve añlaşuvnıñ inkişafına isse qoşalar.
3. Tasil imkânlarını keñileştirüv: Filologlar ve qırımtatar tili ocaları studentler ve talebeler içün qırımtatar tilinde keyfiyetli tasil imkânını temin eteler.
4. İntegratsiya ve içtimaiy turğunlıq: Qırımtatar tilini ögretüv qırımtatarlarnıñ ukrain cemiyetine integratsiya etilmesine, aynı vaqıtta milliy menligini saqlap qalmağa yardım ete.

Qırımtatar tiliniñ ögrenilmesine qoltutmaq – memleketimizniñ medeniy zenginligini saqlap qalmaq içün müim bir adımdır. Biz beraberlikte çoqmilletli Ukrainanıñ abadanlığını temin ete bilemiz!