Yanvarniñ 22-si ukrayinlerniñ birligini, birdemligini ve añlı qarar berüvini temsil etken kündir. Bu künü, 1918 senesi Merkeziy Radanıñ Dörtünci Universalı Ukrayina Halq Cumhuriyetiniñ mustaqilligini ilân etti. Tamam bir yıldan soñ, 1919 senesi yanvarniñ 22-nde BMT ve Ğarbiy Ukrayina Halq Cumhuriyetiniñ Birlik aktı ilân etildi, bu qarar Ukrayina topraqlarını bir devletke birleştirdi. Bu vaqialar ukrayinlerniñ öz kelecegini mustaqil belgilev istegini tasdıqladıı.

Birlik ğayesi soñra canlı timsaller – “birlik zıncırı“ ile amelge keçirildi. 1990 senesi millionlarnen adamlar ğarptan şarqqace qol tutuşıp, Ukrayinanıñ bölünmezligini köstergen ediler, soñra bu anane yıllıq er anane oldı.

Rus istilâsı başlanmazdan evel böyle birlik aktsiyaları Qırımda da olıp keçe edi. Aqmescit, Aqyar, Yalta ve yarımadanıñ bir çoq diger şeerleriniñ sakinleri soqaqlarğa çıqıp, “insan zıncırlarına“ qoşula ediler, Ukrayinağa mensüp olğanlarını köstere ettiler. 2014 senesinden soñ da qırımlar basqı, repressiya ve taqip telükesine baqmadan, barışıq qarşılıq kösterüvini toqtatmadılar. Şeerlerniñ kirişlerinde ve merkeziy meydanlarda ukrayin ve qırımtatar bayraqları astında işğalge qarşı çıqqanlarını bildirdiler.

Bugün de birlik oğrunda küreş devam ete. Ukrayinler öz devletini cebede ve vaqtınca işğal etilgen topraqlarda qorçalaylar, öz menligini ve umumiy degerliklerge sadıqlıqlarını saqlaylar. İç bir repressiyalar ve işğal yılları Qırımnıñ, Donetskniñ, Lugansknıñ ya da başqa bir regionnıñ birleşken Ukrayinağa mensüpligini silip olamaz.

İnanamız ki, mıtlaqa öyle bir kün kelecek ki, bütün serbest şeerlerniñ soqaqlarında kene de ukrayin bayraqları dalğalanacaq, ve şarqtan ğarpqa, cenüpten şimalge qadar canlı birlik zıncırı sozulıp, memleketimizni bir bütünlikke birleştirecek. Bu zincir bizim birdemligimiz ve serbest, mustaqil, demokratik devlette yaşamağa umumiy ıntıluvımıznıñ isbatı olacaq.

Ukrayinanıñ Birlik künü hayırlı olsun!

Ukrainağa şan-şüret!