2018 senesi berim (sentâbr) ayı 28 künü Ukraina Prezidentiniñ Qırım MC Daimiy Temsilcisi Borıs Babin istilâcı devletniñ ticariy deñizcilikke ve deñizni qullanuvnıñ başqa şekillerine qanunsız tesiri boyunca İş gruppasınıñ nevbetteki oturışını keçirdi.

Oturışta onıñ Birinci muavini İzet Gdanov, Temsilcilikniñ hadimleri, Ukraina merkeziy akimiyet organlarınıñ vekâletli temsilcileri iştirak etti.

İş gruppasınıñ oturışı esnasında aşağıdaki meseleler muzakere etildi:

– istilâcınıñ işğal etilgen Qırımda ve yarımada etrafındaki deñiz suvlarında qanunsız areketleri ve deñizcilik havfsızlığını ile deñiz qullanuv serbestligini mütenasip şekilde bozuv boyunca devlet haber siyaseti;

– yuqarıda qayd etilgen cinayetler içün istilâcı devletni ve oña boysunğan ayrı teşklâtlarnı halqara-uquqiy mesüliyetke çekilüvi içün isbatlar bazasını teşkil etüv, cinayetçilerni sanktsıyalar cedveline kirsetüv, icra akimiyeti organları tarafından sanktsıyalarnı semereli şekilde işletüv;

– semereli ticariy gemicilikni ve deñizni qullanuvnıñ başqa şekillerini teşkil etmek maqsadınen normativ bazanı mütenasip şekilde mükemmelleştirüv.

Oturışnıñ neticesi olaraq, deral öz tekliflerni Temsilcilikke yollamaq ve Temsilcilik tarafından operativ şekilde işlenilgen malümatnı Ukraina Prezidentine onıñ Memuriyeti vastasınen taqdim etmek qararı qabul etildi.