2018 senesi ilk yaz ayı (iyün) 23 künü Ukraina Prezidentiniñ Qırım Muhtar Cumhuriyetinde Daimiy Temsilcisiniñ Birinci muavini İzet Gdanov Devlet maliye hızmetiniñ Herson vilâyetinde
, Qırım Muhtar Cumhuriyetinde ve Aqyar şeerinde İdaresiniñ hadimlerini Ukrain devletçiliginiñ ğayrıdan tiklenüviniñ 100-yıllığı ve Ukraina devlet hızmeti künü munasebeti ile hayırladı. Öz hayırlavında Birinci muavin Ukrainanıñ vaqtınca işğal etilgen Qırım torpağında yaşağan, ya da andan köçken vatandaşlarnıñ Esas qanun ile pekitilgen aq-uquqlarına riayet etüv oğrunda işbirlik içün idareniñ bütün hadimlerine öz minnetdarlığını bildirip, Temsilcilikniñ nişanlarını taqdim etti