2017 senesi dekabr 7 künü Ukraina Prezidentiniñ Qırım Muhtar Cumhuriyetindeki Daimiy Temsilcisi Borıs Babin Dnipropetrovsk vilâyeti devlet idaresinde Avropa Şurasınıñ mütenasip leyhası tarafından teşkil etilgen ‘‘Devlet içinde köçken şahıslarnıñ ev-mesken meselelerinen bağlı qanuniy teşebbüsler ve regional imkânlar’’ adlı tögerek masada iştirak etti.

Tögerek masa devamında merkeziy idare etüvden yerli idare etüvge keçüv şaraitlerinde devlet içinde köçken şahıslarnıñ aq-uquqları qorçalavı boyunca fikir almaşuvı yapıldı, bu cümleden Dnipropetrovsk vilâyetiniñ  birleşken territorial cemiyetlerinde memuriy hızmet merkezlerniñ muvafaqiyetli teşkil etilüvi muzakere etildi.