Daimiy Temsilci Olga Kurışko, iş ziyareti çerçivesinde Anadolu universitetiniñ rektorı Yusuf Adigüzelnen körüşip, qırımtatarşınaslıq studiyalarınıñ inkişafı aqqında memorandum imzaladı.

İmzalanğan memorandum, Ukrayina ve Türkiye arasında tasil ve ilim saalarındaki işbirlikniñ terenleşmesini, ortaq akademik temaslarnıñ inkişaf ettirilmesini ve hususan işgal altındaki Qırımnen bağlı zemaneviy Ukrayina studiyalarınıñ desteklenmesini közde tutmaqta. Ukrayina tamır halqlarınıñ tarihını ve medeniyetini saqlap qaluv ve rusiyeniñ yalan añlatuvlarına qarşı turuv içün devlet siyasetiniñ bir qısmı olaraq qırımtatar studiyalarını inkişaf etüv bu işbirlikniñ ayrı bir saası olaraq belgilendi.

Taraflar tasil ve ilmiy teşebbüslerni, akademik almaşuv programmalarını başlatuv ve müessiseler arasında uzun müddetli işbirlikler şekillendirüv üzerinde beraberlikte çalışma niyetlerini tasdıqladılar. Daimiy Temsilci Olga Kurışko, qırımtatarşınaslıqnıñ inkişafı medeniy mirasnı saqlap qalmaq ve halqara cemiyetke işğal etilgen Qırımdaki vaziyet aqqında doğru malümat bermek içün müim olğanını da ifade etti.

Ukrayina studiyalarınıñ global ittifaqı Ukrayinanıñ birinci hanımı Olena Zelenskayanıñ destegi ile Ukrayin institutı, Ukrayina Prezidentiniñ tasil, ilim ve sportnı desteklev fondı, Ukrayina Prezidentiniñ Qırım Muhtar Cumhuriyetindeki Temsilciligi/Qırım platforması, Ukrayina Tasil ve ilim nazirligi ile Ukrayina Tış işler nazirligi tarafından teşkil etildi.