Vaqtınca işğal etilgen Qırım Muhtar Cumhuriyeti ve Aqyar şeeri topraqlarında yaşağan gençlerniñ diqqatına. Temsilcilik vaqtınca işğal etilgen topraqlarda yaşağan gençler içün ilk yaz ayınıñ 29-dan arman ayınıñ 31-nece stipendiyalı eki aylıq azırlav kurslarını keçirecek 23 Ukraina aliy oquv yurtları aqqında malümat bermege devam ete.

Kelecek oquv yılına vaqtınca işğal etilgen topraqlarda yaşağan gençlerni azırlaycaq aliy oquv yurtlarından birini taqdim etemiz:

Donetsk milliy tehnika universiteti – 100-yıllıq tarihına saip ve bugünde-bugün küçlü araştıruv ve maarif merkezine çevirilgen Ukraina aliy oquv yurtudır.

Azırlav kursları esnasında diñleyiciler 

– ilk yaz ayınıñ 29-dan arman ayınıñ 31-nece esas fenler boyunca oquycaqlar;
– 4588,00 grivnâ miqdarında stipendiya alacaqlar,
– yataqhanede bedava yer ile temin etilecekler,
– medeniy, psihologik, sportiv tedbirler ve başqa vastalarnen temin etilecektir.

Tafsilâtlı malümat almaq içün muracaat etilecek yer:

Pokrovsk şeeri, Şıbankov meydanı, 2-nci bina, 1.223 oda;
tel. +380500129248
e-mail: [email protected]
İnternet-saifesi: https://cutt.ly/ZnXftP7