Körüşüvde Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç ve onıñ muavinleri, Ukraina halq deputatları, Ukraina çetel işler Nazirligi/ MFA of Ukraine, Vaqtınca işğal etilgen Ukraina topraqlarını ğayrıdan integratsiya etüv meseleleri boyunca Nazirlik, Ukraina dijital deñişüvler Nazirliginiñ temsilcileri, Qırımtatar Milliy Meclisiniñ azaları, cemaat ekspertleri, aq qorçalayıcı teşkilâtlarınıñ temsilcileri ve Qırım platformasınıñ vazifelerini yerine ketirüv esnasında faaliyetlerini uyğunlaştıruv ile başqa meraqlanğanlar iştirak etti.
Tedbirni İnsan aqları oğrundaki media teşebbüsiniñ yöneticisi Mariya Tomak idare etti.
İşbu tögerek masa, Qırım platforması sayesinde irişilgen neticeler ve em cemaat sektorı ile Qırım Platformasınıñ Ekspertleri ağı, em de devlet müessiseleri ile parlament seviyelerinde kelecekte nelerge irişeceklerini muzakere etüvni maqsat etip qoyğandır.
Bundan ğayrı, tedbir iştirakçileri ayrı teşkiliy meselelerni, hususan Qırım Platforması çerçivesinde semereli baq tutuvnı teşkil etüv, devlet ve cemaat sektorları arasında uyğunlaştıruv vastalarnı muzakere ettiler.
Teşkilatçılar: Qırım platforması/Ukraina Prezidentiniñ Qırım Muhtar Cumhuriyetindeki Temsilciligi ve İnsan aqları oğrundaki media teşebbüsi.
Tedbir, ”Renaissance” halqara fondunıñ ”İnsan aqları ve adalet” leyhası ve Danimarka çetel işler Nazirliginiñ maliyeviy destegi ile amelge keçirigen ”Ukrainada demokratiya ve insan aqlarını inkişaf ettirüv oğrundaki grajdanlıq cemiyeti” UNDP leyhası beraberlikte keçirgen yarış çerçivesinde ötkerildi.