”Şeer sesleri” leyhasınıñ 7 eykellerden Qırımğa bağışlanğan soyu Qırım platforması Ofisi / Ukraina Prezidentiniñ Qırım Muhtar Cumhuriyetindeki Temsilciligi topraqlarında tiklendi.
Açılış merasiminde Anton Korınevıç şunı qayd etken edi:
”Qırım daima Ukrainağa ait edi, Ukrainağa ale daa ait ve Ukrainağa ait olacaqtır. Çünki qırımlılar öz toprağında seze bilecek duyğularnı, islerni, qoqularnı ve renklerni, bu topraqnı zapt etken iç bir türlü rusiyeli añlap olamaz, olarnıñ qadrine de etip olamaz”.
Eykel özünde Qırımğa has ses-davuşlarnı ve renklerni birleştire – olar, em deñiz, em de dalğalar arasında yaldağan balıqlar, em yunus balığı, em de Aqmescit ava limanında oturayatqan uçaqnıñ sesleridir. Olar, batqan kuneş, qum ve dalğalarnıñ renkleridir. Bu eykelniñ birleşken eki parçadan teşkil etilmesi de müimdir. Bu birleşüv pek qaviy ve iç bir vaqıt bozulmaz.
Birinci ziyaretniñ musafirleri, işbu leyha üzerinde çalışqan Qırımda doğma belli şahıslardır: televizion alıp barıcısı Maşa Yefrosinina, tabiatşınas, zoolog Yuliya İvançıkova, aliy uçucılıq boyunca dünya çempionı Timur Fatkullin ve bu sanat leyhasında iştirak etken başqa insanlar oldı.
Şeer sesleri leyhasınıñ müellifleri Alöna Tımoşenko ve Natali Tkaçenkoğa işbu müim ve manalı leyha içün minnetdarlığımıznı bildiremiz.
Leyha aqqında tafsilâtlı malümat: https://zvukymista.com/
Aves etkenler eykelni boş aydan başlap, ziyaret ete bilir. M. Gruşevskıy soqağı, 24/2 adresi boyunca keçirilecek ziyaretlerge evelden yazılmaq kereksiñiz.
Aves etken er kes Qırım platforması Ofisine kelip, eykelni seyir etip, diñley bile.