- Ukrainanıñ egemenligini, topraq bütünligini ve mustaqillini bozğan Rusiyeniñ areketlerini takbih ettiler
- Ukrainanıñ egemenligine, mustaqilline ve halqara cemiyet seviyesinde tanılğan sıñırları içindeki topraq bütünligine deñişmegen şekilde qol tutqanlarını tasdıqladılar
- Halqara uquq, başqa devletlerniñ topraq bütünligine riayet etüv ve sıñırlarnı zorbalıqnen deñiştirüvni yasaq etüv şartları Rusiye tarafından açıq şekilde bozulğanını bir kere daa qayd ettiler
- Qırım Muhtar Cumhuriyetininiñ ve Aqyar şeeriniñ Rusiye tarafından vaqtınca işğal etilmesini takbih etip, Rusiyeniñ işğalni qanunlaştırmaq ıntıluvları tanılmağanını ve iç bir vaqıt tanılmayacağını iç bir türlü şartlar qoymayıp takbih ettiler
- Qırım yarımadasında Rusiye tarafından insan aqlarınıñ ve qırımtatarlarnıñ aqlarınıñ bozulğanını takbih ettiler. Bundan ğayrı, Rusiyeni bütün halqara mecburiyetlerine riayet etmege, halqara közeticileri içün Qırımğa irişim bermege ve qanunsız şekilde yaqalanğan şahıslarnıñ cemisini azat etmege çağırdılar
- Qırım etrafında halqara cemiyetniñ ğayretlerini birleştirmek maqsadınen Qırım platformasını teşkil etken Ukrainanıñ teşebbüslerini alğışladılar
- Bütün şartları yerine ketirilse, barışıqqa ketire bilecek Minsk añlaşmaları çerçivesinde Rusiye öz mecburiyetlerini yerine ketirmeyip, Ukrainadaki Donetsk ve Lugansk vilâyetleriniñ ayrı rayonlarında vaziyetni kerginleştirmege devam etkenine qarşı narazlıqlarını qattı sürette bildireler
- Rusiyeniñ Ukraina şarqındaki davanıñ aracısı degil de, iştirakçisi olğanını hatırlattılar
- Keçken sene oraq aynıñ 27-de qabul etilip, dava zonasında zorbalıq seviyesini bayağı eksiltken ateşni toqtatuv rejimine riayet etmek mecburiyetlerini alğışladılar. Davanıñ adamlarnı öldürmege ve müim infraterkipke zarar ketirmege devam etkenini hatırlattılar
- Ukraina şarqındaki silâlı teşkilâtlarğa qol tutqan, olarğa maalliy ve askeriy yardımnı bergen, yüz biñlernen Ukraina vatandaşlarına Rusiye vatandaşlığını bağışlağan Rusiye Federatsiyasını davanıñ qozğaluvını toqtatmağa, bunıñ yerine Ukraina tarafından demin yapılğan ğayretlerge taba eki taraflama adımlar yapmağa çağırdılar
- Davanıñ barışıqlıq yolunen çezilmesi yolundaki er angi ilerilev içün ateşni toqtatuv rejimine riayet etüvniñ müim olğanını qayd ettiler
- Normand formatı çerçivesinde davanı diplomatiya yolunen çezmege tırışqan Frenkistan ve Almaniya devletleriniñ ğayretlerine yüksek qıymet kesip, işbu ğayretlerge qol tutuvnı devam etmege azır olğanlarını bildirdiler
- taraflarnı tolu şekilde Minsk añlaşmalarını yerine ketirmege çağırdılar ve davanıñ siyasiy yolnen adaletli ve istiqrarlı şekilde çezilmesi içün Rusiyeniñ konstruktiv şekilde Normand Formatı ve Üç taraflama kontakt gruppası çerçivesinde celp etüv içün mesüliyetli olğanını qayd ettiler
- G7 sanktiyalarnı qabul etüv ğayesine sadıq qalacağını ve Ukrainanıñ egemenligine, mustaqilline ve halqara cemiyet seviyesinde tanılğan sıñırları içindeki topraq bütünligine deñişmegen şekilde qol tutacağını qayd ettiler.
“Diya” aq qorçalayıcı merkez tarafından tercime etildi
Asıl metin GOV.UK