Ukraina Prezidentiniñ Qırım Muhtar Cumhuriyetindeki Daimiy Temsilcisi, devlet memuriyeti, öz-özüni idare etüv organları, Qırımtatar Milliy Meclisi ve Herson regional Meclis vekilleri ile beraberlikte Qırımtatar halqı birinci Qurultayı 100-yıllığına bağışlanıp Geniçesk şeerinde ve Novooleksiyivka qasabasında olıp keçken tedbirlerde iştirak etti.

Daimiy Temsilci, rayondaki territorial cemiyetleriniñ inkişafında vaqtınca işğal olunğan Qırımnen bağlı meselelerni muzakere etti, bu cümleden, memuriy hızmet bergen merkezlerniñ ve qanuniy yolcu taşımalarınıñ teşkil etilüvi ve Qırımda yaşağan Ukraina vatandaşları içün uzaqtan orta tasil alma imkânınıñ yaratıluvıdır.