2018 senesi saban ayınıñ (mart) 17 künü Ukraina Prezidentiniñ Qırım MC Daimiy Temsilciliginde Qırım MC işgalden azat etilüvi ve reintegratsiyası boyunca hızmetiniñ reisi vazifesini vaqtınca becergen Bahşiş Kerimov Geniçisk şeerinde keçirilgen ‘‘Irqçılıqqa qarşı futbol’’ turnirinde iştirak etti. Tedbirde rayon devlet memuriyetiniñ, öz-özüni idare etüv organlarnıñ, Qırımtatar Milliy Meclisiniñ ve yerli Meclisniñ vekilleri iştirak etti. Qırımtatar resurs merkeziniñ teşebbüsi ile keçirilgen merasimniñ açılışında yerli icadiy taqımlar iştirak etti.

Turnir saban ayınıñ 17-18 künlerinde keçirildi, onıñ çerçivesinde Kıyiv ve Melitopol şeerlerinden, Novooleksiyivka qasabasından ve vaqtınca işğal etilgen Qırım yarımadasından kelgen futbol taqımları arasında matçlar ötkerildi. Mukâfatlandıruv merasiminde Temsilcilik ğalipçi taqımını ve tedbirni teşkil etken Qırımtatar resurs merkezini teşekkür kâğıtınen qayd etti.

Bundan da ğayrı, 18 saban ayı 2018 senesi Bahşiş Kerimov Herson regional Meclisiniñ daveti ile vaqtınca işğal etilgen Qırım topraqlarında qanunsız saylavlarğa qarşı ‘‘Çongar’’ KÇNN-da keçirilgen narazlıq aktsiyasında iştirak etti.