2018 senesi çiçek ayı (aprel) 4 künü Ukraina Prezidentiniñ Qırım MC Temsilciliginiñ hadimleri UNESCO teşkilâtına Bağçasaraydaki Hansaray müzeyiniñ yoq etilüvinen bağlı muracaatqa qol tutmaq maqsadınen Herson şeer Meclisi tarafından teşkil etilgen tedbirde iştirak ettiler.

Tedbir O. Gonçar adına Herson vilâyetiniñ universal ilmiy kitaphanesinde keçirildi. İbragim Suleymanov ve Lilya Caksim toplaşuvda bulunğanlarğa bu medeniy asabalıqnıñ tarihini hatırlatıp, işğalci akimiyet tarafından keçirilgen sözde ‘‘restavratsiya’’ işleriniñ aqibetleri aqqında ikâye ettiler.

Tedbirniñ soñunda iştirakçilerni muracaatnıñ metini ile tanıştırıp, olarğa öz imzalarınen işbu aktiyağa qol tutmağa teklif ettiler.