Vaqtınca işğal etilgen Qırım Muhtar Cumhuriyeti ve Aqyar şeeri topraqlarında yaşağan gençlerniñ diqqatına. Temsilcilik vaqtınca işğal etilgen topraqlarda yaşağan gençler içün ilk yaz ayınıñ 29-dan arman ayınıñ 31-nece stipendiyalı eki aylıq azırlav kurslarını keçirecek 23 Ukraina aliy oquv yurtları aqqında malümat bermege devam ete.

Kelecek oquv yılına vaqtınca işğal etilgen topraqlarda yaşağan gençlerni azırlaycaq aliy oquv yurtlarından birini taqdim etemiz:

”Harkiv politehnika institutı” Milliy Tehnika universiteti – semereli, maqsatlı tasil bergen, ilmiy-innovatsion ve terbyeviy faaliyetlernen oğraşqan, klassik tarzdaki universitetniñ ananelerini qorçalap inkişaf ettirgen ilmiy-tehnikiy azırlav merkezidir.

Azırlav kurslarında oquv ceryanı eki ay devamında 2021 senesi ilk yaz ayınıñ 29-dan arman ayınıñ 31-nece devam etecektir.

Azırlav kurslarınıñ programmasında:

– tışqı mustaqil baalavnıñ esas fenlerine bağışlanğan oquv ceryanı;
– 4588 grivnâ miqdarında stipendiya;
– yataqhanede bedava yer;
– medeniy, psihologik ve sportiv tedbirlerde iştirak etüv.

Kurslarğa yazılmaq içün kelişken alâqa vastasını seçip, ”Harkiv politehnika institutı” Milliy Tehnika universitetine muracaat et, universitetten alınğan davetname ile KÇNN keçken soñ öz-özüñni etraf müitten ayırmaq şart degil.

Tel.: +38 (057) 707-62-31; +38 (073) 707-66-34
Elektron menzili: [email protected]
Adres:  Harkiv şeeri, Kırpıçova soqağı, 2, «HPI» MTU, 2 korpus (У2), birinci qat, 102-nci oda
Universitetniñ İnternet-saifesindeki qoşma malümat:https://cutt.ly/ZnX8N6g