Volodımır Zelenskıy Qırım yarımadasınıñ işğalden azat etilüvi ile ğayrıdan integrasiya etilüvini maqsat etip qoyğan ayrı tedbirler aqqındaki fermanını imzaladı. Şu cümleden, Devlet başlığı ükümet azalarına Qırım platformasınıñ başlatılmasını, qırımtatar tiliniñ ve medenyetiniñ inkişaf etilüvine ve vaqtınca işğal etilgen Qırım sakinleriniñ qorçalanmasına dair tedbirlerniñ keçirilmesini avale etkenini bildirdi.

”Künleriniñ birinde Qırımnıñ Ukrainağa qaytması sebebinden aktualligini coyğan fermanımnı lâğu ete bilecegime can-yürekten inanam”, – dep qayd etti Prezident.