2018 senesi berim (sentâbr) ayı 21 künü Temsilcilikteki hızmetlerniñ baş mesleatçıları İrına Mıhalçuk ve Sergiy Skrıpnık, vaqtınca işğal etilgen Qırımdan kelip, Herson devlet deñiz akademiyasınıñ birinci kursında oquğan studentler ile körüştiler. Akademiya tarafından teşkil etilgen tedbir esnasında Sergiy Skrıpnık toplaşuvda bulunğanlarnı Temsilcilikniñ faaliyet ve vekâleti ile tanıştırdı ve vaqınca işğal etilgen Qırımdan kelgen şahıslarnıñ tasil, memuriy hızmetlerni berüv ve başqa içtimaiy meselelerini çezüvde Temsilcilikniñ yardımını tarif etti ve kelecekte de vatandaşlarnıñ muracaatlarına cevap olaraq bütün kerekli tedbirler yapılacağında işandırdı.