2017 senesi avgust 23 künü Ukraina Prezidentiniñ Qırım MC Daimiy Temsilcisi Boris Babin Qırımtatar resurs merkeziniñ ofisinde Qırımtatar halqı Herson regional Meclisiniñ vekillerinen körüşti.

Körüşüv devamında regional Meclisniñ azaları Daimiy Temsilcige vaqtınca işğal olunğan Qırım yarımadasınıñ sakinlerine Ukrainanıñ nezareti altında bulunğan topraqlarda memuriy hızmetlerniñ berilüvi esnasında rast kelgen bir sıra mesele aqqında haber ettiler.

Bundan da ğayrı, taraflar Herson vilâyetinde qırımtatar halqınıñ acele sürette çezilecek kergin meselelerni, bu cümleden, qırımtatar tilinde tasil imkânlarını ve sürgün etilgen halqlarınıñ aq-uquqlarına riayet etüvni muzakere ettiler.