2018 senesi fevral 21 künü Ukraina Prezidentiniñ Qırım MC Daimiy Temsilcisiniñ Birinci muavini İzet Gdanov Herson vilâyeti devlet memuriyetinde kollegiyanıñ oturışında iştirak etti. Toplaşuvnıñ esas mevzusı – ‘‘Tavriya ufuqları’’ ХІ Halqara yatırım forumı çerçivesinde taqdim etilecek strategik leyhalar cedveliniñ azırlanmasıdır.

Bundan da ğayrı, oturışta memleket içinde mecburen köçip, meskensiz qalğan şahıslar içün muim olğan ‘‘Herson vilâyetinde uyğun fiyatqa mesken qurmaq ya da satın almaq’’ regional programmanıñ leyhası muzakere etildi. Ukraina Nazirler Şurasına Fevqulâde vaziyetler boyunca Ukraina devlet hızmetiniñ Qırım MC boyunca bölügini teşkil etip Herson vilâyetinde yerleştirmege teklif etildi. Bu ise Qırım MC işğalden azat etilüvi ve ğayrıdan integratsiyası siyasetinde pek muim bir adım olacaq.