2017 senesi noyabr 30 künü Ukraina Prezidentiniñ Qırım Muhtar Cumhuriyetindeki Daimiy Temsilcisi Herson vilâyetiniñ devlet memuriyetinde olıp keçken muşaverede iştirak etti. Muşaverede Herson vilâyetiniñ 2018 senesinde içtimaiy-iqtisadiy ve medeniy inkişafı boyunca programma ve bir sıra başqa vesiqalar muzakere etildi.
Bu cümleden, 2018 senesi Herson vilâyetiniñ mesken yerlerinde memuriy hızmet merkezleriniñ qurucılığı, territorial mudafaa sistemasınıñ inkişafını devam ettirilmesi, Geniçesk rayonında gaz ağınıñ keçirilmesi ve vaqtınca işğal olunğan Qırım topraqlarına yaqın olğan Herson vilâyetiniñ rayonlarında bir sıra başqa sanayi ve infrastruktura leyhalarnıñ amelge keçirilüvi muzakere etildi.