Temsilcilikniñ haber-analitik hızmetiniñ başlığı vazifesini vaqtınca eda etken Oleksiy Bobrovskiy 2017 senesi noyabr 10 künü Herson vilâyetiniñ devlet memuriyeti tarafından keçirilgen «Ukrainanıñ havfsızlıq pasportı: Herson regional ölçevi» mevzusında tögerek masada iştirak etti.

Tögerek masada Ukrainanıñ öz havfsızlıq strategiyasınıñ şekillendirüvi ve bu ceryanda diqqatqa alınacaq ölçev, esaslar ve birinci nevbetteki saalar muzakere etildi. Bundan da ğayrı, oturuş devamında işbu meseleler boyunca keçirilgen sotsiologik tedqiqatlarnıñ neticeleri beyan etildi.

Merasimni Herson vilâyetinde devlet memuriyeti apparatınıñ yolbaşçısı Volodımır Klütsevskiy ve Vaqtınca işğal etilgen topraqlar ve devlet içinde köçken şahıslar meseleleri boyunca Ukraina nazirliginiñ Kherson vilâyetindeki bölüginiñ müdiri Denis Çıstikov keçirdiler.