2017 senesi dekabr 28 künü Temsilcilikniñ informatsion-analitik hızmetiniñ baş mesleatçısı Nadiya Yakovleva, ‘‘Ukrain matbuat vastalarında duşmanlıq tili: tesbit ve qarşılıq kösterüv’’ teşebbüsi çerçivesinde ‘‘Ukraina saylaycıları komiteti’’ BCT Odessa vilâyetinde teşkilâtı tarafından Almaniya elçihanesiniñ maddiy yardımı ile keçirilgen  ‘‘Herson vilâyetiniñ İnternet menbalarında vaqtınca işğal etilgen Qırımğa  qarşı duşmanlıq tilinen küreş’’ ve ”Herson şeerinde  ”duşmanlıq tilinen” cinsiy musaviy(siz)lik’’ leyhalarınıñ neticeleri taqdiminde iştirak etildi. Merasimde cemaat teşkilâtlarınıñ temsilcileri, blogerler, mütehassıslar ve mütenasip akimiyet organlarınıñ vekâletli hadimleri iştirak etti.

Merasim devamında mecburiy şekilde köçken şahıslarğa ve vaqtınca işğal etilgen Qırımnıñ sakinlerine nisbeten yerli öz-özüni idare etüv organlarınıñ, yerli matbuat vastalarınıñ İnternet menbalarında, maişiy seviyede ve Herson vilâyetindeki yerli öz-özüni idare etüv organlarınıñ ve icra akimiyetniñ temsilcileriniñ nutuqlarında bile rast kelgen  diskriminatsion ifadeleri boyunca  tedqiqniñ neticeleri taqdim etildi. Ukraina Prezidentiniñ Qırım MC-deki Temsilciligi 2017 senesi sentâbr-dekabr aylarınıñ devamında bir sıra buña benzer misallerge rast kelip, öz vekâleti çerçivesinde kerekli adımlarnı yaptı. Temsilcilik, vekâletli uquq qorçalav organlarnı celp etip, kelecekte de mütenasip közetüvde iştirak etmeğe devam etecek.