İşbu şahıslar aqqındaki malümatnı Qırım Muhtar Cumhuriyeti ve Aqyar şeeri Prokuraturası Ukraina vatandaşlarını Qırım Muhtar Cumhuriyeti ile Aqyar şeerinden qanunsız şekilde köçürüv ve işğalci devletniñ ealisini işğal etilgen topraqlarğa avuştıruvğa dair açılğan cinaiy işleriniñ malümatlarına qoştı. Yuqarıda añılğan şahıslarnıñ, Ukraina topraq bütünligine qol tutuv maqsadınen 2014 senesi kiçik aynıñ 26-da Qırım Muhtar Cumhuriyeti Yuqarı Şurasınıñ binası yanında keçirilgen tınç toplaşuvlarğa keder etüvnen bağlı cinayetlerge de alâqaları bar, işbu tınç toplaşuvlar vaqıtında qanunsız şekilde küç qullanıldı, tınç vatandaşlar köteklengen ağır yaralangan ve atta öldürilgen edi.
Yuqarıda qayd etilgen şahıslarnıñ, Ukraina tarafdarları miting iştirakçilerini cezalağan, olarnı qanunsız şekilde azatlıqtan marum etken, qanunsız tintüvlerge oğratqan, İlmi Umerovnı adaletli mahkeme ceryanı aqqından marum etip, qanunsız şekilde psihiatrik hastahanede qapatqan cezalayıcı tedbirlerge alâqaları da bardır.
Ukraina Prezidentiniñ Qırım MC Temsilciligi işbu şahıslarnıñ adlarını kelecekte devamı olacaq cedvelde derc ete:
https://ppu.gov.ua/…/10/Suddi_RF-Krym_v-analityku.pdf
Ukraina Prezidentiniñ Qırım MC Temsilciligi Qırım prokuraturasına, şahsen Igor Ponoçovnıyge ve Ukraina Havfsızlıq Hızmetine işbirligi, işğal altında yaşağan vatandaşlarnıñ aq-uquqlarını qorçalav meselelerinde faalligi ve Qırımnı işğalden azat etüv ve ğayrıdan integratsiya etüvnen bağlı areketleri içün öz minnetdarlığını bildire.