Rusiye Federatsiyasınıñ işğalci organları 2016 senesi vaqtınca işğlal etilgen Qırımda Ukrainağa ait devlet, munitsipal ve şahsiy mülkiyetni ”hususiyleştirgen” soñ, Qırım sakinlerine işğalden evel berilgen içtimaiy ve devlet mülkiyetinde olğan ev-meskenniñ qanuniy şekilde berilip-berilmegenini teşkermege başladılar.

Yuqarıda añılğan teşkerüv neticesinde Rusiye Federatsiyası tarafından 2016-2019 seneleri devamında işğalden evel berilgen içtimaiy ve devlet meskenlerni sakinlerinden boşatmaq maqsadınen eñ azından 73 mahkeme davası açılğan edi. Al-azırda eñ azından 45 dava boyunca tazminatsız şekilde ve işbu mesken yerine başqası berilmeden sürgün etüv aqqında qarar alındı. Misal olaraq, sözde ”Yuqarı Qırım mahkemesiniñ” sözde ”qararına” binaen, Kezlev şeerinde devlet mülkiyetinde olıp, iş yeri tarafından berilgen daireden şu yerde 1990 senesinden berli 3 qoranta azası ile beraber yaşağan zenaat-tehnika oquv yurtunıñ sabıq ocası qanunsız şekilde sürgün etildi.

”İşğalci devletniñ bu kibi areketleri er bir insanğa mesken aqlarına riayet etilmesini kefil etken ve qanuniyetniñ talaplarını arqa taraflı şekilde yerine ketirmege yasaq etken halqara qanuniyetni qaba şekilde boza”, – dep izaatlay vaqianı Ukraina Prezidentiniñ Qırım MC-deki Daimiy Temsilcisiniñ Birinci muavini Darya Svırıdova.

Tezkere ile Birleşken Milletler teşkilâtınıñ (Ukraina) saifesinde tanış olmağa mümkün.