Ukraina Prezidentiniñ Qırım Muhtar Cumhuriyetindeki Temsilciligi vaqtınca işğal etilgen Qırım Muhtar Cumhuriyetinde ilk yaz ayınıñ 22-de Ukraina vatandaşı Stanislav Pavlovıç Hudoleyni (Stetsenkonı) yaqalağan ve qanunsız şekilde Moskova şeerindeki Lefortovo tevqifhanesine avuştırğan işğalcilerniñ cinaiy areketlerini takbih ete.
İşğalci devletke hızmet etken quvetçilerniñ ananelerini köz ögüne alıp, köteklev, qıynav ve başqa insaniyetsiz davranuv kibi areketlerinen Ukraina vatandaşınıñ sağlığını ve ayatını telüke altına qoya bilecekleri aqqında evelden haber etemiz.
Vatandaşımıznıñ Ukraina konsulı ve mustaqil abulqatlar tarafından ziyaret etilmesini talap etemiz.