Çiçek ayınıñ 29-de Ukraina Prezidentiniñ Qırım Muhtar Cumhuriyetindeki Temsilciliginiñ daveti üzerine vaqtınca işğal etilgen Qırım Muhtar Cumhuriyeti ve Aqyar şeeri topraqları ile memuriy sıñırnı Çehiya Cumhuriyetiniñ Ukrainadaki elçisiniñ muavini İrji Pretslik ve Slovakiya Cumhuriyetiniñ Ukrainadaki elçisiniñ muavini Matuş Korba ziyaret ettiler.

Ziyaret etüv esnasında vaqtınca işğal etilgen Qırım MC ve Aqyar şeeri topraqları meselesi, agrar ve turistik saalarını inkişaf ettirmek maqsadınen yatırımlarnı celp etüv meselesi muzakere etildi.

Çehiya Cumhuriyetiniñ Ukrainadaki Elçihanesine ve Slovakiya Cumhuriyetiniñ Ukrainadaki Elçihanesine halqara saada devletimizniñ topraq bütünligini ve egemenligini qorçalav ve Rusiye istilâsına qarşılıq kösterüv oğrunda Ukrainanıñ işançlı ortaqları olğanları, Avropağa integratsiya ve Avropa-Atlantik yönelişlerimizge qol tutqanları içün minnetdarlığımıznı bildiremiz. 🤝❤️🇸🇰🇨🇿🇺🇦