Rusiye tarafından qanunsız sürette mahküm etilgen qırımlı vatandaş jurnalisti ve aq qorçalayıcısı İrına Danıloviç Rusiye Federatsiyasınıñ tüzetüv koloniyasında muntazam surette sert yanaşuvğa oğray. Bu aqta onıñ qız qardaşı Olga Novitska bildirdi.

Novitskayanıñ aytqanına köre, müessise memuriyeti onıñ sağlığı aqqında tibbiy tevsiyelerni körmemezlikke ura ve oña fizikiy zarar ketirgen şaraitler yarata. Hususan, Danıloviçniñ eşitüv problemleri sebebinden qayd etilgen sıñırlavlarğa baqmadan, uzun vaqıt devamında ücresinde yüksek sesli şeyler açılğanı aqqında söz yürsetile.

Bundan evel İrına Danıloviçniñ özü mabüslerge qarşı “işaretsiz işkence” qullanılğanını bildirgen edi. Amma bundan soñ yapılğan “teşkerüv” vaqtında koloniyada bir de bir bozuluv belgilenmedi.

Hatırlatamız, FSB hadimleri İrına Danıloviçni 2022 senesi vaqtınca işğal etilgen Qırımda esir aldı. Daa soñra o, “öz başına yapılğan patlayıcı alet saqlanuvında” qabaatlanıp, qanunsız şekilde mahküm etildi ve 6 yıl 11 ayğa azatlıqtan marum etildi.

SİZOda bulunğanda oña kerekli tibbiy yardım kösterilmedi, bu da bir qulağınıñ eşitüv qabiliyetini coymasına sebep oldı. Şimdilik o, kerekli tibbiy yardımnı almay.

Böyle areketler halqara gumanitar uquqını ve insan aqlarını boza ve halqara qarşılıqnı talap ete.