Bugün Qırım platforması Ofisiniñ faaliyetini halqara ortaqlarımızğa taqdım etüv tedbirleri çerçivesinde Anton Korınevıç ve onıñ muavini Tamila Taşeva Cenübiy Afrika Cumhuriyetiniñ Ukrainadaki Fevqulâde ve Vekâletli Elçisi Andre Yogannes Groenevald ile körüşti.
Adet üzre, Anton Korınevıç Qırım Platforması Ofisiniñ faaliyetini taqdim etip, onıñ Ukraina devlet akimiyet organlarını, ecnebiy devletlerni, halqara teşkilâtlarnı ve Qırımda yaşağan Ukraina vatandaşlarını birleştirüv ve aralarında bağ tutuv içün daimiy sürette hızmet etecek bir meydançıq olacağını bildirdi.
Muntazam sürette teşkil etilgen körüşüvler Qırım Muhtar Cumhuriyeti ve Aqyar şeeri topraqlarını işğalden azat etüv strategiyasınıñ yerine ketirilüvi oğrunda ğayretlerimizniñ birleştirilüvi içün müimdir.
Hatırlatamız ki, Qırım Platforması Ofisi Ukraina Prezidentiniñ Qırım Muhtar Cumhuriyetindeki Temsilciliginiñ terkibindeki bir bölük olaraq faaliyetini yürsetmektedir.
Qırımnı işğalden azat etüv yönelişinde beraber adımlaymız!