Oktyabr 27 künü Qalançaq rayonı devlet memuriyetinde Ukraina Prezidentiniñ Qırım Muhtar Cumhuriyetindeki Daimiy Temsilcisi Boris Babinniñ reberliginde vaqtınca işğal olunğan Qırım Muhtar Cumhuriyetiniñ actual meseleleri boyunca iş gruppasınıñ ekinci tışqı toplaşuvı olıp keçti.
İş gruppasınıñ toplaşuvında Ukraina Prezidentiniñ Qırım Muhtar Cumhuriyetindeki Daimiy Temsilcisiniñ birinci muavini İzet Gdanov, Temsilcilikniñ bilgili mutehassısları, Qalançaq rayonı devlet memuriyetiniñ yolbaşçısı, Qalançaq ve Mirne birleştirilgen teritorial cemiyetleriniñ (BTC) yolbaşçıları, «Ukrzaliznitsa» halq öğündeki aktsioner cemiyetiniñ temsilcileri, bergi ve havfsızlıq hızmetleriniñ hadimleri, tertip qoruyıcıları, gazeteciler ve cemaat vekilleri iştirak etti.
İş gruppasınıñ toplaşuvı devamında Qırımğa yaqın olğan BTC-lerde memuriy hızmet merkezlerniñ teşkil etilüvi, Qırım yarımadasınen naqliy alâqanıñ teşkil etilüvi, qanunsız yolcu taşımalarına qarşılıq kösterilmesi, «Qalançaq» kiriş-çıqış nezaret noqtasınıñ (KÇNN) donatıluvı, informatsion havfsızıq ve vaqtınca işğal etilgen Qırımdan yayınlanğan televizion ve radionıñ menfiy tesirlerine qarşılıq kösterilmesi muzakere etildi.
Toplaşuv devamında Qalançaq ve Mirne BTClerniñ yolbaşçıları işbu mesken yerlerde memuriy hızmet merkezlerniñ teşkil etilüvı aqqında malümat berdiler, mütenasüp leyhalarnıñ müddetleri ve yapılacaq adımlarnıñ tertibi belgilendi. İştirakçiler memuriy hızmet merkezlerniñ KÇNN-da degil de, mesken yerlerde yerleşip KÇNN-nen oñaytlı transport alâqanen başlanmasını bir ağızdan teklif ettiler.
«Ukrzaliznitsa» halq öğündeki aktsioner cemiyetiniñ temsilcileri qıta Ukrainanı ziyaret etken ve evlerine qaytqan Qırım sakinleriniñ havfsızlığını teminlep yolcu taşımalarını «Qalançaq» KÇNN-na eñ yaqın olğan “Vadim” demiryol durağınace inkişaf etirme imkânını muzakere ettiler, bu meseleniñ real çezüv müddeti belgilendi.
«Qalançaq» KÇNN-nıñ ceetten abadanlaştırıluvı muzakere etilip, bu meselenin de real çezüv yolları belgilendi. Qalançaq rayonında rayon içi yolcu taşımaları içün konkurs keçirmege ve «Qalançaq» KÇNN-nıñ yanında abadanlaştırılğan avtobus durağı tarzında avtobus stantsiyasını qurmağa kerek olğanı belgilendi.
Toplaşuvndan soñ iş gruppasınıñ iştirakçileri «Qalançaq» KÇNN-nı ziyaret etip, KÇNN-nda yarıqlıq, piyade yollarını abanlaştıruv, içtimaiy reklamanı yerleştirüv, KÇNN yanında qaldırılğan saipsiz mülkniñ vaziyeti, içtimaiy ihtiyaclarğa topraq ayıruv kibi meselelerni acele sürette çezmege kerek olğanından emin oldılar.