2018 senesi yanvar 18 künü Qırımda işğalciler bir kişilik piketlerge çıqqan eki qırımtatar faalini yaqaladılar. Giray Kulametov Eski Qırım şeerindeki evinde olıp keçken tintüvden soñ yaqalandı. İşğalciler onı sözde ‘‘Kirovskoye (İslâm Terek) içki işler rayon bölügine’’ alıp kettiler. Kemal Seyityayev de tintüvden soñ Qarasuvbazarda yaqalanıp, ‘‘Belogorsk (Qarasuvbazar) içki işler rayon bölügine’’ ketirildi.

‘‘Qırım birdemligi’’ cemaat teşkilâtı haber etkenine köre, Kulametov ve Seyityayev içtimaiy ağlarda ‘‘ekstremistik malümatlarnıñ’’ darqatuvında qanunsız şekilde qabaatlanalar.