2018 senesi arman ayı (avgust) 30 künü AQŞ Devlet departamentiniñ matbuat kâtibi Hezer Nauert ‘‘Azaq deñizinde ve Keriç boğazında halqara deñizcilikniñ Rusiye tarafından taqip etilüvi’’ boyunca resmiy beyanatını taqdım etti. Beyanatta AQŞ Rusiye tarafından Azaq deñizinde ve Keriç boğazında halqara deñizcilikniñ taqip etilüvini takbih ete ve çiçek (aprel) ayından başlap, Rusiye yüzlernen gemilerni toqtatqanını, soñki afta devamında ise ukrain limanlarına kirmege areket etken eñ azından 16 ticariy gemini toqtatqanını qayd ete.

AQŞ-nıñ beyanatında RF halqara uquqqa riayet etmeyip, deniz vastasınen naqliyatqa manialar doğurğanı ve nevbetteki kere Ukrainadaki vaziyetke menfiy tesir etmege ve istikrarnı bozmağa tırışqanı bildirile. Beyanatta, AQŞ halqara cemiyet tarafından tanılğan sıñırlarda Ukrainanıñ egemenliğine ve topraq bütünligine qol tutmağa devam etkeni qayd etile. AQŞ Rusiyeni Keriç boğazında ve Azaq deñizinde halqara deñizcilikniñ taqip etilüvini toqtatmağa çağıra.