2018 senesi ilk yaz (iyün) ayı 21 künü Temsilcilikniñ hadimleri Kıyiv şeerindeki UNİAN milliy haber agentliginde RF-nıñ işğal etilgen Qırımda faaliyeti munasebeti ile oña qarşı yañı iqtisadiy sanktsiyalarnı kirsetüvnen bağlı Avropa Birligine tekliflerniñ taqdimine bağışlanıp, Tışqı İşler Maydanı tarafından teşkil etilgen matbuat konferentsiyasında iştirak ettiler.

Cemaat teşkilâtlarnıñ vekilleri Avropa Şurasınıñ çetel işler ve havfsızlıq siyaseti boyunca Yuqarı Temsilcisine Qırımnıñ vaqtımca işğali munasebeti ile yañı sanktsiyarnı kirsetmege teklif etip, açıq mektüp yazdılar. Yañı sanktiyalarnı gemi qurucılığı ile oğraşqan RF-nıñ şirketlerine, ‘‘Kavkaz’’ gemi limanına ve vaqtınca işğal etilgen Qırımğa uçaq seferlerini teşkil etken rusiye ava yolları şirketlerine qarşı kirsetmege teklif etile.