Bügün işğalci akimiyetniñ qoqla «mahkemesi» cinaiy qarar çıqarıp, Qırımtatar Milliy Meclis reisniñ muavini İlmi Umerovnı eki yıllıq yaşav tarzındaki koloniyada qalmasına üküm etti ve cemaat faaliyetinen oğraşmaqa yasaqladı. Ukrain siyasetçisi, yaşına ve sağlıq vaziyetine baqmadan, cezalavğa oğradı.

Kremliniñ asıl niyeti, sözde «qararnıñ» yerine ketirilüvini manaçıq etip, İlmi Umerovnı zorlap Qırımdan Rusiye Federatsıyasına çıqarılması olğanı açıq-aydındır. Qırımtatar halqınıñ eñ güzel vekilleriniñ sürgüni şekilindeki böyle cinaiy areketler qırımtatar halqına qarşı yapılğan genotsidniñ nevbetteki adımıdır.