2018 senesi berim ayı (sentâbr) 6 künü Temsilcilikteki halqara alâqalar hızmetiniñ reberi Yevgen Samuha ve baş mesleatçısı Valeriya Pahomova Ukrainadaki İşviçre elçihanesinde milliy mustaqillik Künü munasebeti ile keçirilgen tedbirde iştirak ettiler.

Kıyivdeki ‘‘Aziz Sofiya’’ Milliy qoruğını isviçre cemaatınıñ, parlamentiniñ, ükümetiniñ, cemaat teşkilâtlarınıñ ve matbuat vastalarnıñ vekilleri, iş adamları, sanatçılar ve diplomatlar ziyaret ettiler.

Tedbir esnasında ‘‘İsviçrede yasaldı’’ serlevalı sergi açıldı ve Ukraina ile İsviçre arasındaki eki taraflama munasebetlerni quvetleştirüv ile eki memleketniñ vatandaşları arasında qaviy dostluqnı inkişaf etüv içün Vilyam Telniñ ‘‘Tell-Awards’’ 2 mukâfatı taqdim etildi. Temsilcilikniñ hadimleri Ukrainada İsviçre Fevqulâde ve Vekâletli Elçisi Giyom Şoyrerni ve onıñ muavinini milliy bayramları ile hayırlap, devletlerimiz arasındaki munasebetlerni daimiy sürette inkişaf etmekni tilediler ve Temsilcilikniñ Qırım meseleleri boyunca vekâletleri çerçivesinde işbirlik aqqında añlaştılar.