Gibrid cenki şaraitlerinde devlet mustaqilligi ve topraq bütünligi içün alıp barılğan küreşte obyektiv ve tarafsız haberler, serbest söz küçlü silâğa çevirile.

Qırım işğal etilgeninen, yarımadada söz serbestligi sıñırlandı, mustaqil matbuat vastaları yoq etilmege, jurmalistler qorqutılmağa ve taqip etilmege başladı. İşğalci Rusiye akimiyeti Qırım sakinleri içün mustaqil ve alternativ kütleviy matbuat vastalarına irişim imkânlarını bile qapatmağa tırışa.

Bügün, vaqtınca işğal etilgen Qırımda bağımsız ukrain ihtisaslı ve cemaat jurnalistleriniñ faaliyeti neticesinde, biz işğalci akimiyetniñ areketleri, qırımtatarlarnıñ ve ukrainlerniñ evlerinde keçirilgen tintüvler, olarnıñ taqip etilüvi, Ukraina medeniy asabalığınıñ yoq etilüvi ve tabiat faciaları aqqında aktual malümatnı ala bilemiz. Böyle malümat işğalci memleketke halqara basqını arttırmağa yardım ete.

Qırım mevzusını ukrain haber saasına kirsetken, ukrain matbuat vastalarında ve basılğan matbuatta işğal etilgen topraqlarnıñ problemalarını aydınlatqan jurnalistlerge minnetdarlığımıznı bildiremiz.

Ümüt etemiz ki, Qırımnı qaytaruv meselesi ukrain matbuat vastalarınıñ kün tertibinde ilk nevbette turacaq ve Avropa memleketleriniñ haber saasında daima qalacaqtır.